Jæja halar.

Þá er komið að enn einni vísindaferð. Við munum skella okkur til Vodafone næstkomandi föstudag(12.mars). Þangað munum við ekki fara ein heldur með heilum 7 nemendafélugum. Þar inni eru Stærðfræðin, Eðlisfræðin, spænskudeildin, enskudeildin, sjúkraþjálfun, íslenskudeildin og  lífeinda- og geislafræði.

Þetta verður gurm partý þar bjór og snakk munu flæða út um allt. Ef það er rétt sem ég heyri af fólki sem hefur farið þangað þá mun ekki vera matur á boðstólnum, sel það ekki dýrara en ég keypti það. Það verður DJ á græjunum og fullt af fólki á dansgólfinu þannig að ég býst við þrusupartý-i hjá vodafone. Og þar af leiðandi get ég ekki lofað miklum fróðleik um tæknihliðina hjá þeim.

Það er pláss fyrir 35 manns í þessa vísindaferð og sé ég fram á það að þetta sé góð leið til að byrja gott föstudagskvöld ekki bara með okkur tölvunarfræðikrúttunum heldur líka hinum 7 deildunum.

skráning hefst að vanda kl.13:37 á morgun(miðvikudag) og vil ég að við fyllum þetta og sýnum hvernig við skemmtum okkur almennilega. ferðin hefst kl.18:00.

Hvert verður farið eftir vísó er óákveðið en mun koma í ljós á morgun.

Kv. skemmtanastjórinn ykkar, lúllmundur!

Breytingar Breytingar.

Þau hjá Skýrr miskildu stöðuna allsvakalega. Þau voru búin að lofa Vélinni að koma í dag og héldu að við værum inni þeim pakka líka. Eftir viðræður við þá hjá skýrr standa málin þannig að við þurfum að fara með vélinni í vísindaferðina í dag en ekki á morgun.

Ég veit að þetta er mjög stuttur fyrirvari fyrir ykkur en nú þurfið þið bara að spýta í lófana, klára öll verkefni og skella ykkur í stóra vísindaferð í dag. Velin er með 70 pláss hjá sér og við fáum 40 pláss sem þýðir það að það verða 110 manns alls í ferðinni.

það koma tvær stórar rútur hér fyrir utan kjallarann á slaginu 16:40 og ætti að vera nóg pláss í þeim fyrir bæði okkur nörda og véla og iðnaðar perverta. Eftir vísó er búið að leigja Bjarna fel og hressó þar sem partýið mun halda áfram með bjór á 400 kall og trúbador.

Mér þykir þetta eins leiðinlegt og ykkur að við séum ekki að fara til þeirra á morgun, en vegir lífsins eru eins órannsakanlegir og kóalabirnir, þannig að segjum bara fuck it og skellum okkur á fimmtudags skrall og mætum þunn til snorra og co. á morgun.

Ef þið sjáið ykkur ekki fært um að mæta, þá megið þið endilega skrá ykkur úr vísindaferðinni en ég vil ekki sjá nokkurn mann gera það. Heldur vil ég sjá alla sjúklega hressa hérna fyrir utan kl.16:40 á eftir.

Kv.

dúllan ykkar allra, herra lúllmundur skemmtanastjóri.

Hey kids!

Það er aldeilis pökkuð dagskrá framundan. næstu 5 vikur eru fullar af einhverju góðgæti á hverjum föstudegi.

En næsta föstudag munum við skella okkur til Skýrr!. Við fórum tvisvar til þeirra í fyrra og seinna skiptið var bara betra. Þetta var langskemmtilegasta vísindaferðin okkar í fyrra og þeir hjá skýrr eru ekkert að skafa af veitingunum og fróðleiknum.

Þannig að ég mæli með að Það mæti allir í þessa vísindaferð, Ekki bara 1 heldur allir. Skráning hefst á morgun miðvikudaginn 3.mars á slaginu 13:37. Fyrstur kemur fyrstur fær. Fyllum þetta helvíti.

Við munum fara eftir vísindaferðina í kareoke á live Pub. Tilboð á barnum og allt að verða vitlaust!

Kv. Lúlli skemmtanastjóri

Prófataflan er komin og við getum farið að hlakka til! Ef þið farið í Uglan mín og þar undir Námskeiðin mín á Uglunni finnið þið prófnúmerið ykkar. Það getið síðan notað það til að fá lista yfir öll prófin ykkar á http://kennslusvid.rhi.hi.is/ifx/proftafla

Good times...

Gott fólk, það átti að vera vísindaferð til Microsoft næsta föstudag. En vegna einhverjum ástæðna hafa þau hætt við, leiðinlegt fyrir þau.

En við grenjum ekki yfir þessu og gerum eitthvað sniðugt í staðinn.

3. árs nemum er boðið til Libra Soft á föstudaginn. Allar upplýsingar eru inn á www.heron.hi.is. Við munum fara þangað með Heron fólkinu en athugið að aðeins er pláss fyrir 10 manns. Og athugið líka að þetta er aðeins fyrir 3.ÁRS NEMA. skráning hefst á venjulegum tíma, eða klukkan 13:37 í dag(miðvikudaginn 24.feb).

En ég vil ekki að við 1.árs og 2.árs nemar sitji með sárt ennið útaf Microsoft og þar afleiðandi hef ég komið með nýtt plan. Við munum halda eitrað kvöld á live pub og kareoke-a okkur í tætlur. Við erum komin með gott tilboð á barnum sem menn ættu að vera ánægðir með. stór öl á 600, Öl og skot á 1000 kall. Þarna mun Total eclipse of my heart til we will rock you hljóma og allt þar á milli.

Lyfjafræðin og Heron fólk mun joina okkur þannig að partýið verður ekki af verri endanum. Lyfjafræðin eru þrususkemmtilegt fólk sem við kynntumst frekar vel í útilegunni í sumar og ættu þess vegna að vera góð viðbót við okkur(fyrir utan það að kvenhlutfallið kemur vel fyrir okkur).

Þannig að stemmningin verður gríðarleg á live pub og vil ég sjá alla taka í micinn og sýna Tinu turner hvar davíð keypti ölið.

Mæting milli 20-21 í live pub, þar sem vegas strippbúllan er.

Einnig styttist í Aðalfundinn okkar góða. Þar munum við kjósa í nyja stjórn og aðrar nefndir. Fólk ætti að fara íhuga hvort það vilji bjóða sig í einhvað starf. Öll störfin er hægt að finna inn á stjórnar-flipanum hér fyrir ofan.

KV. Papa don Lú